ಇಂದು ಮೃತ್ಯುಂಜಯ ಸಿನಿಮಾ ಬಿಡುಗಡೆ

Nov 28, 2025 - 01:56
Nov 28, 2025 - 01:57
 0
ಇಂದು ಮೃತ್ಯುಂಜಯ ಸಿನಿಮಾ ಬಿಡುಗಡೆ



ಅಪರಾಧಕ್ಕೆ ಸವಾಲು ಕನ್ನಡ ದಿನಪತ್ರಿಕೆ

ಸಿಂದಗಿ‌ : ಬಹಳ ವರ್ಷಗಳಿಂದ ನಟನಾಗಬೇಕು ಎಂಬುದು ನನ್ನ ಜೀವನದ ದೊಡ್ಡ ಗುರಿ. ಈಗ ಅದು ನೇರವೇರಿದೆ. ನಾನು ನಾಯಕ ನಟನಾಗಿ ಅಭಿನಯಿಸಿದ ಮೃತ್ಯುಂಜಯ ಸಿನಿಮಾ ನವೇಂಬರ್ 28 ರಂದು ನಗರದ ಪ್ರಶಾಂತ್ ಚಿತ್ರ ಮಂದಿರದಲ್ಲಿ ಬಿಡುಗಡೆಯಾಗಲಿದೆ ಎಂದು ನಟ ಹಿತೇಶ್ ಎನ್ ಹಿರೇಮಠ ಹೇಳಿದರು.

ಗುರುವಾರ ಪಟ್ಟಣದ ಖಾಸಗಿ ಹೊಟೇಲ್ ನಲ್ಲಿ ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ ಅವರು ಮೃತ್ಯುಂಜಯ ಸಿನಿಮಾ ಬಿಡುಗಡೆಗೆಯಾಗುತ್ತಿದ್ದು ಸಮಸ್ತ ಸಿಂದಗಿಯ ಜನತೆ ನನ್ನ ಸಿನಿಮಾ ನೋಡುವ ಮೂಲಕ ನನ್ನನ್ನು ಆಶೀರ್ವಾದ ಮಾಡಬೇಕೆಂದರು.

ಶಾಸಕ ಅಶೋಕ ಎಮ್ ಮನಗೂಳಿ ಮಾತನಾಡಿ ನಮ್ಮೂರಿನ ಯುವಕ ಇಂತಹ ಸಿನಿಮಾ ಮಾಡಿದ್ದು ತುಂಬಾ ಖುಷಿಯ ಸಂಗತಿ. ಇಂದಿನ ಕಾಲದಲ್ಲಿ ಸಿನಿಮಾ ನೋಡುವವರ ಸಂಖ್ಯೆ ಕಡಿಮೆಯಾಗುತ್ತಿದೆ ಕಾರಣ ಮೊದಲಿಗೆ ಹಾಗೆ ಸಿನಿಮಾಗಳು ಬರುತ್ತಿಲ್ಲ ಎಂದು ಕಳವಳ ವ್ಯಕ್ತಪಡಿಸಿದ ಅವರು ಹಿತೇಶ್ ಹಿರೇಮಠ ಅವರ ಚಿತ್ರದ ಟ್ರೈಲರ್ ನೋಡಿದ್ದೇನೆ ತುಂಬಾ ಚೆನ್ನಾಗಿ ಮೂಡಿಬಂದಿದೆ. ಚಿತ್ರವೂ ಸಹ ಅಷ್ಟೇ ಚೆನ್ನಾಗಿ ಮೂಡಿಬಂದಿರುತ್ತದೆ ಚಿತ್ರ ಯಶಸ್ವಿಯಾಗಲಿ ಎಂದು ಚಿತ್ರ ತಂಡಕ್ಕೆ ಶುಭ ಹಾರೈಸಿದರು.

ಬೆಂಗಳೂರಿನ ಹಿರಿಯ ನ್ಯಾಯವಾದಿ ಎನ್ ಎಸ್ ಹಿರೇಮಠ ಮಾತನಾಡಿ ನನ್ನ ಸುಪುತ್ರನ ಸಿನಿಮಾ ಮೃತ್ಯುಂಜಯ, ನಾಯಕ ನಟನಾಗಿ ಅಭಿನಯಿಸಿದ್ದಾನೆ. ಬಾಲ್ಯದ ದಿನಗಳಿಂದಲೂ ಕೂಡ ಸಿನಿಮಾ ಆಸಕ್ತಿ ಇದ್ದು, ಈಗ ಮೃತ್ಯುಂಜಯ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿದ್ದಾನೆ. ಹಿತೇಶ್ ಗೆ ಸಮಸ್ತ ಸಿಂದಗಿ ಜನತೆಯ ಸಹಕಾರ ಬೆಂಬಲ ಬೇಕು. ಚಿತ್ರ ಯಶಸ್ವಿಗೊಳಿಸಿ ಎಂದು ಮನವಿ ಮಾಡಿದರು.

 

ಇನ್ನು ಮೃತ್ಯುಂಜಯ ಸಿನಿಮಾವನ್ನು ಸಂಗಮೇಶ ಸಜ್ಜನ ನಿರ್ದೇಶಿಸಿದ್ದು, ಶೈಲಜಾ ಪ್ರಕಾಶ ನಿರ್ಮಾಣ ಮಾಡಿದ್ದಾರೆ. ಬೆಂಗಳೂರಿನ ಸುತ್ತಮುತ್ತ ಚಿತ್ರದ ಚಿತ್ರೀಕರಣ ಮಾಡಲಾಗಿದ್ದು, ನವೆಂಬರ್ 28 ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ ಎಂದರು.

ಪತ್ರಿಕಾಗೋಷ್ಠಿಯಲ್ಲಿ ಆಲಮೇಲ ಶ್ರೀಗುರು ಸಂಸ್ಥಾನ ಹಿರೇಮಠದ ಚಂದ್ರಶೇಖರ ಶಿವಾಚಾರ್ಯರು, ಯಂಕಚಿಯ ಅಭಿನವ ರುದ್ರಮುನಿ ಶಿವಾಚಾರ್ಯರು, ನಿರ್ದೇಶಕ ಸಂಗಮೇಶ ಸಜ್ಜನ, ನಿರ್ಮಾಪಕಿ ಶೈಲಜಾ ಪ್ರಕಾಶ, ಅಶೋಕ ಜಿ ವಾರದ ಸಿಂದಗಿ ವಕೀಲರ ಸಂಘದ ತಾಲೂಕಾಧ್ಯಕ್ಷ ಎಸ್ ಬಿ ಪಾಟೀಲ (ಗುಂದಗಿ), ಬ್ಲಾಕ್ ಕಾಂಗ್ರೆಸ್ ತಾಲೂಕಾಧ್ಯಕ್ಷ ಸುರೇಶ ಪೂಜಾರಿ, ವಕೀಲ ಬಿ ಜಿ ನೆಲ್ಲಗಿ, ಚಿತ್ರತಂಡದವರು ಸೇರಿದಂತೆ ಇನ್ನಿತರರು ಇದ್ದರು.

Vishwaprakash T Malagond ವಿಶ್ವಪ್ರಕಾಶ ಟಿ ಮಲಗೊಂಡ, 2020-2023 ಪತ್ರಿಕೆಯಲ್ಲಿ ಹವ್ಯಾಸಿ ಬರಹಗಾರರಾಗಿ ಕಾರ್ಯನಿರ್ವಹಣೆ. ಪ್ರಸ್ತುತ "ಅಪರಾಧಕ್ಕೆ ಸವಾಲು" ಕನ್ನಡ ದಿನಪತ್ರಿಕೆಯ ಉಪಸಂಪಾದಕ.