ಭರವಸೆಯ ನಟ ಹಿತೇಶ್ ಹಿರೇಮಠ
ಅಪರಾಧಕ್ಕೆ ಸವಾಲು ಕನ್ನಡ ದಿನಪತ್ರಿಕೆ
ಗುಮ್ಮಟ ನಗರಿ ವಿಜಯಪುರ ಜಿಲ್ಲೆಯಿಂದ ಅನೇಕ ಪ್ರತಿಭೆಗಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸುವ ಮೂಲಕ ರಾಜ್ಯದ ಮನೆ ಮಾತಾಗಿದ್ದಾರೆ. ಅದರಲ್ಲೂ ವಿಶೇಷವಾಗಿ ಸಿನಿಮಾ, ಧಾರಾವಾಹಿ, ರಂಗಭೂಮಿ ಕ್ಷೇತ್ರದಲ್ಲಿ ಹಲವಾರು ಪ್ರತಿಭೆಗಳು ಮಿಂಚುತ್ತಿದ್ದಾರೆ. ಅಂತವರ ಸಾಲಿನಲ್ಲಿ ವಿಜಯಪುರ ಜಿಲ್ಲೆಯ ಸಿಂದಗಿ ತಾಲ್ಲೂಕಿನ ಮಂಗಳೂರು ಗ್ರಾಮದ ಯುವ ಪ್ರತಿಭೆ ಸಹ ಒಂದು.
ಹೌದು, ಯಾರು ಅದು? ಯಾವ ಪ್ರತಿಭೆ? ಎಲ್ಲಿಯವರು ಅಂದರೆ ಸಿಂದಗಿ ತಾಲ್ಲೂಕಿನ ಪ್ರತಿಷ್ಠಿತ ಮನೆತನದ ಕುಡಿ ಹಾಗೂ ಹಿರಿಯ ನ್ಯಾಯವಾದಿ ಎನ್ ಎಸ್ ಹಿರೇಮಠ ಅವರ ಪುತ್ರ ಹಿತೇಶ್ ಎನ್ ಹಿರೇಮಠ.
ಹಿತೇಶ್ ಮೂಲತಃ ಸಿಂದಗಿ ತಾಲ್ಲೂಕಿನ ಮಂಗಳೂರು ಗ್ರಾಮದವರಾಗಿದ್ದು, ಹುಟ್ಟಿ ಬೆಳೆದಿದ್ದು ಎಲ್ಲಾ ರಾಜಧಾನಿ ಬೆಂಗಳೂರಿನಲ್ಲಿಯೆ. ಬಾಲ್ಯದ ದಿನಗಳಿಂದಲೂ ನಾನು ಹೀರೋ ಆಗ್ತಿನಿ ರೀ ಅಂತಾನೇ ಎಲ್ಲರ ಮುಂದೆ ಹೇಳಿಕೊಂಡು ಸುತ್ತಾಡುತ್ತಿದ್ದ ಆ ಹುಡುಗ ಇವತ್ತು ಬಿಗ್ ಸಿನಿಮಾ ಮಾಡುವ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿದ್ದಾರೆ.
ಬೆಳೆಯುವ ಸಿರಿ ಮೊಳಕೆಯಲ್ಲಿ ಎಂಬಂತೆ ಹಿತೇಶ್ ಹಿರೇಮಠ 5ನೇ ವಯಸ್ಸಿನಲ್ಲೇ ಡ್ಯಾನ್ಸ್ನಲ್ಲಿ ಮೋಡಿ ಮಾಡಿದ್ದರು. ಇವರ ಈ ಪ್ರತಿಭೆಯನ್ನು ಚಿತ್ರರಂಗ ಗುರುತಿಸಿ ಬಾಲನಟನಾಗುವ ಅವಕಾಶ ನೀಡಿತು. ರಾಜಕುಮಾರಿ, ರಾಕ್ಷಸ ಸೇರಿದಂತೆ ಹಿತೇಶ್ ಐದಾರು ಚಿತ್ರಗಳಲ್ಲಿ ಬಾಲನಟನಾಗಿ ಗುರುತಿಸಿಕೊಂಡಿದ್ದಾರೆ. ನಂತರ ವಿದ್ಯಾಭ್ಯಾಸದ ಕಡೆ ಗಮನಹರಿಸಿದ ಹಿತೇಶ್ ಮನೆಯವರ ಸಹಕಾರದೊಂದಿಗೆ ಚೆನ್ನೈ, ಮುಂಬಯಿಯಲ್ಲಿ ನಟನೆಯ ಟ್ರೈನಿಂಗ್ ಪಡೆದುಕೊಂಡಿದ್ದಾರೆ.
ಸಿನಿಮಾ ನಾಯಕನಾಗಬೇಕೆಂಬ ಆಶಯದೊಂದಿಗೆ ಆ ಪಟ್ಟಕ್ಕೆ ಬೇಕಾದ ಎಲ್ಲಾ ರೀತಿಯ ತರಬೇತಿಗಳನ್ನು ಅಂದರೆ, ಕುದುರೆ ಸವಾರಿ, ಫೈಟಿಂಗ್, ಆ್ಯಕ್ಟಿಂಗ್ ಸೇರಿದಂತೆ ಹಲವು ಕಸರತ್ತುಗಳನ್ನು ಮಲೇಷಿಯಾ, ಥೈಲ್ಯಾಂಡ್ ಮತ್ತು ಬ್ಯಾಂಕಾಕ್ ದೇಶಗಳಲ್ಲಿ ವೃತ್ತಿನಿರತರಿಂದ ಪಡೆದು ನಾಯಕನಾಗಲು ತಯಾರಿ ನಡೆಸಿದ್ದಾರೆ.
ಎಲ್ಲಾ ನಾಯಕನಾಗಿ ತರಬೇತಿಗಳೊಂದಿಗೆ ರೆಡಿಯಾಗಿ ಚಂದನವನದಲ್ಲಿ ಅವಕಾಶಕ್ಕಾಗಿ ಆರು ವರ್ಷ ಅಲೆದಾಡಿದ್ದು ಹಿತೇಶ್ಗೆ ಜೀವನದ ಹಲವು ಪಾಠಗಳನ್ನು ಕಲಿಸಿದೆ. ಸಾಕಪ್ಪಾ ಇಂಡಸ್ಟ್ರೀ ಸಹವಾಸ ಎನ್ನುವ ಹಂತಕ್ಕೆ ತಲುಪಿದ್ದರು.
ಆಗ ಬಂದಿದ್ದೇ ಮೃತ್ಯುಂಜಯ ಕಥೆ, ಸಜ್ಜನ್ ನಿರ್ದೇಶಕ ಹಾಗೂ ಶೈಲಜಾ ಪ್ರಕಾಶ್ ನಿರ್ಮಾಪಕರು ಮೃತ್ಯುಂಜಯ ಚಿತ್ರಕ್ಕೆ ಇವರನ್ನು ಭೇಟಿಯಾದರು. ಆ್ಯಕ್ಷನ್ ಸಿನಿಮಾ ಮೂಲಕ ಭರ್ಜರಿ ఎంట్రీ ಕೊಡಬೇಕೆಂಬ ಆಸೆಯಲ್ಲಿದ್ದ ಹಿತೇಶ್ಗೆ ಕಾನ್ಸೆಪ್ಟ್ ಓರಿಯಂಟೆಡ್ ಚಿತ್ರ ಸವಾಲೇ ಆಗಿತ್ತು.
ಫರ್ಮಾಮೆನ್ಸ್ ಗೆ ಅತೀ ಹೆಚ್ಚು ಸ್ಕೋಪ್ ಇದ್ದ ಈ ಚಿತ್ರದಲ್ಲಿ ಹಿತೇಶ್ ಅದ್ಭುತವಾಗಿ ಅಭಿನಯಿಸಿ ಇಡೀ ಚಿತ್ರತಂಡದ ಮನಗೆದ್ದಿದ್ದು, ಈ ಚಿತ್ರದ ಹೊತ್ತಿನಲ್ಲೇ ಮೂರು ಚಿತ್ರಗಳು ಹಿತೇಶ್ರನ್ನು ಹಿಂಬಾಲಿಸಿವೆ. ಪ್ರತಿಭೆ ಜೊತೆಗೆ ತಾಳ್ಮೆ ಹಿತೇಶ್ ಅವರ ಕೈಹಿಡಿದಿದೆ.
ನಟನಾ ತರಗತಿಗಳು ಅಭಿನಯ ಕಲಿಸಿದರೆ, ಫೈಟ್ಸ್ ಮತ್ತು ಡ್ಯಾನ್ಸ್ನಲ್ಲಿ ತರಬೇತಿ ಪಡೆದುಕೊಂಡಿದ್ದು ನಾನು ಪರಿಪೂರ್ಣ ಕಲಾವಿದನಾಗಬಲ್ಲೆ ಎಂಬ ಆತ್ಮವಿಶ್ವಾಸ ಮೂಡಿಸಿದೆ. ಮಾಸ್, ಕ್ಲಾಸ್, ಎಕ್ಸ್ಪೆರಿಮೆಂಟಲ್ ಸೇರಿದಂತೆ ಯಾವುದೇ ಪಾತ್ರ ಬಂದರೂ ನಿಭಾಯಿಸಬಲ್ಲೆ ಎಂಬ ವಿಶ್ವಾಸವಿದೆ.
ನನಗೆ ಚಿತ್ರರಂಗದಲ್ಲಿ ಕೈ ಹಿಡಿದು ಬೆಳೆಸಲು ಯಾವುದೇ ಗಾಡಾ ಫಾದರ್ಗಳಿಲ್ಲ. ಪ್ರಾಮಾಣಿಕ ಪ್ರಯತ್ನವೇ ನನ್ನ ಕೈ ಹಿಡಿಯಲಿದೆ ಎಂಬ ನಂಬಿಕೆ ನನ್ನದು. ಅದೇ ನಿರೀಕ್ಷೆಯೊಂದಿಗೆ ಒಳ್ಳೆಯ ಅವಕಾಶಗಳಿಗಾಗಿ ಎದುರು ನೋಡುತ್ತಿದ್ದೇನೆ ಅಂತಾರೆ ಹಿತೇಶ್ ಹಿರೇಮಠ.
ಅಭಿನಯದ ಗಂಧ ಗಾಳಿಯು ಇರದೇ ಚಿತ್ರರಂಗಕ್ಕೆ ಕಾಲಿಡುವವರೇ ಹೆಚ್ಚಾಗಿರುವ ಈ ದಿನಗಳಲ್ಲಿ ಸಂಪೂರ್ನ ಕಲಿಕೆಯೊಂದಿಗೆ ಚಿತ್ರರಂಗಕ್ಕೆ ಕಾಲಿಡುತ್ತಿರೋ ಹಿತೇಶ್ ಭಿನ್ನವಾಗಿ ನಿಲ್ಲುತ್ತಾರೆ. ಶ್ರದ್ಧೆ ಮತ್ತು ಪ್ರಯತ್ನ ಖಂಡಿತಾ ಕನಸನ್ನು ನನಸು ಮಾಡುತ್ತದೆ ಎನ್ನುವ ಹಿತೇಶ್ ಕಂಗಳಲ್ಲಿ ಬರೀ ಸಿನಿಮಾ ಕನಸೇ ತುಂಬಿಕೊಂಡಿದೆ ಎಂದರೆ ಅತಿಶಯೋಕ್ತಿಯಲ್ಲ. ಇವರಿಗೆ ಒಳ್ಳೆಯ ಅವಕಾಶಗಳನ್ನು ನೀಡಿ ಬೆಳೆಸುವ ಜವಾಬ್ದಾರಿ ಚಂದನವನದ ನಿರ್ದೇಶಕ-ನಿರ್ಮಾಪಕರ ಮೇಲಿದೆ.
ಹಿತೇಶ್ ಎನ್ ಹಿರೇಮಠ ಬೆಳ್ಳಿತೆರೆಯ ಮೇಲೆ ಮಿಂಚುವ ಮೂಲಕ ರಾಜ್ಯ ರಾಷ್ಟ್ರ ಮಟ್ಟದಲ್ಲಿ ಯಶಸ್ವಿಯಾಗಲಿ ಎಂದು ನಮ್ಮ ಅಪರಾಧಕ್ಕೆ ಸವಾಲು ಕನ್ನಡ ದಿನಪತ್ರಿಕೆ ವಿಜಯಪುರ ಬೆಂಗಳೂರು ಬಳಗದಿಂದ ಶುಭ ಹಾರೈಕೆಗಳು.
- -ವಿಶ್ವಪ್ರಕಾಶ ಟಿ ಮಲಗೊಂಡ
- vishwaprakashmalagond@gmail.com
- 6366520266


