ವಿಕ್ಟೋರಿಯಾ ಮೆನ್ಷನ್ ಚಿತ್ರಕ್ಕೆ ಬಂಡವಾಳ ಹೂಡಿದ ನಿರ್ಭಯ್ ಕುಮಾರ್

ಅಪರಾಧಕ್ಕೆ ಸವಾಲು ಡಿಜಿಟಲ್ ಸುದ್ದಿ ಮಾಧ್ಯಮ

ಬೆಂಗಳೂರು: ಕಳೆದ ವರ್ಷ ಫಸ್ಟ್ ಲುಕ್ ಬಿಡುಗಡೆ ಮಾಡಿಕೊಂಡು ಗಮನ ಸೆಳೆದ “ವಿಕ್ಟೋರಿಯಾ ಮೆನ್ಷನ್” ಚಲನಚಿತ್ರಕ್ಕೆ ಮತ್ತೊಬ್ಬ ಬಂಡವಾಳಗಾರರು ಕೈಜೋಡಿಸಿದ್ದಾರೆ. ಅಪ್ನಗರ್ ಇಂಟೀರಿಯರ್ ಸಂಸ್ಥೆಯ ಮಾಲೀಕರಾದ ನಿರ್ಭಯ್ ಕುಮಾರ್ಇದೀಗ ಚಿತ್ರ ನಿರ್ಮಾಣದಲ್ಲಿ ಪಾಲುದಾರರಾಗಿದ್ದಾರೆ.

ಶಿವಣ್ಣ ಅವರಿಂದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಗೊಂಡ ನಂತರವೇ ಸದ್ದು ಮಾಡಿದ್ದ ಈ ಚಿತ್ರವನ್ನು ರಾಜೇಶ್ ಪಾಲಿಪಾನಿರ್ದೇಶನ ಮಾಡಿದ್ದು, ರಾಜೇಶ್ವರಿ ನಿರ್ಮಾಣ ಮಾಡುತ್ತಿದ್ದಾರೆ. ಚಿತ್ರ ನಿರ್ಮಾಣದ ಅಂತಿಮ ಹಂತದಲ್ಲಿ ನಿರ್ಭಯ್ ಕುಮಾರ್ ಕೂಡ ಬಂಡವಾಳ ಹೂಡಿರುವುದು ಚಿತ್ರತಂಡಕ್ಕೆ ಹೆಚ್ಚುವರಿ ಬಲ ನೀಡಿದೆ.

ಈಗಾಗಲೇ ಚಿತ್ರದ ಪೋಸ್ಟ್–ಪ್ರೊಡಕ್ಷನ್ ಕೆಲಸಗಳು ಪೂರ್ಣಗೊಂಡಿದ್ದು, ಟ್ರೇಲರ್‌ ಬಿಡುಗಡೆ ಹಾಗೂ ರಿಲೀಸ್ ದಿನಾಂಕ ಘೋಷಣೆಗೆ ಸಿದ್ಧತೆ ನಡೆಯುತ್ತಿದೆ.

1900ರ ಇಸ್ವಿಯಲ್ಲಿ ನಡೆಯುವ ಹಾರರ್–ಥ್ರಿಲ್ಲರ್ ಕಥಾಹಂದರ ಚಿತ್ರಕ್ಕೆ ವಿಭಿನ್ನ ನಿರ್ಮಾಣ ಶೈಲಿ ವಿಶೇಷತೆ ಇರಲಿದೆ ಎಂದಿದ್ದಾರೆ ನಿರ್ಮಾಪಕ ಉಮೇಶ್ ಕೆ ಎನ್.

ಚಿತ್ರದಲ್ಲಿ ಕಾಶಿಮ, ಶೈಲಜಾ, ಮಿಮಿಕ್ರಿ ಗೋಪಿ, ಶ್ರೀಧರ್, ಮಠ ಕೊಪ್ಪಳ, ಹಿತೇಶ್, ಕಾಮಿಡಿ ಕಿಲಾಡಿಗಳ ಮದನ್ಸೇರಿದಂತೆ ಅನೇಕ ಕಲಾವಿದರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಚಿತ್ರ ಶೀಘ್ರದಲ್ಲೇ ತೆರೆಗೆ ಬರಲಿದ್ದು, ಯಶಸ್ಸು ಕಾಣಲೆಂದು ತಂಡ ಹಾರೈಸಿದೆ.