ಬಂಥನಾಳ ಶ್ರೀಗಳು ಶಿಕ್ಷಣ ಕ್ಷೇತ್ರದ ಧ್ರುವತಾರೆ ಇದ್ದಂತೆ : ಶಾಸಕ ಬಸನಗೌಡ ಯತ್ನಾಳ

ವಿಜಯಪುರ : ಕವಲಗಿಯ ಸಂಗನಬಸವ ವಸತಿ ಶಾಲೆ ಮತ್ತು ಕಾಲೇಜಿನಲ್ಲಿ ಆಧ್ಯಾತ್ಮಿಕ ದೀವಟಿಗೆ ಬೆಳಗಿದ ಭಕ್ತಾನುರಾಗಿ ಬಂಥನಾಳ ಶಿವಯೋಗಿಯವರ ೧೨೫ನೇಯ ಜಯಂತ್ಯೋತ್ಸವನ್ನು ಅವರ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿ, ೧೨೫ ದೀಪ ಬೆಳಗಿಸುವುದರೊಂದಿಗೆ ವಿಜೃಂಭಣೆಯಿ0ದ ಆಚರಿಸಲಾಯಿತು.

ಕಾರ್ಯಕ್ರಮದ ದಿವ್ಯ ಸಾನಿಧ್ಯ ವಹಿಸಿದ ಪೂಜ್ಯ ಶ್ರೀ ಮ.ನಿ.ಪ್ರ. ಡಾ. ಶಿವಾನಂದ ಮಹಾಸ್ವಾಮೀಜಿ, ವಿರಕ್ತಮಠ, ಸೊನ್ನ, ಕಲಬುರಗಿ ಇವರು ಆರ್ಶೀವದಿಸುತ್ತಾ ಶ್ರೀ ಸಂಗನಬಸವ ಸ್ವಾಮೀಜಿಯವರ ಸಾಧನೆಯನ್ನು ಸ್ಮರಿಸಿದರು. ವಿದ್ಯಾರ್ಥಿ ಪರಿಷತ್ತಿನ ಮುಖಂಡರ ಪದಗ್ರಹಣ ಸಮಾರಂಭದ ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಗ್ರುಪ್ ಕ್ಯಾಪ್ಟನ್, ಶ್ರೀಮತಿ ರಾಜಲಕ್ಷಿö್ಮÃ ಪೃಥ್ವಿರಾಜ್, ಸೈನಿಕ ಸ್ಕೂಲ್, ಪ್ರಾಚಾರ್ಯರು, ವಿಜಯಪುರ ಅವರು ಪ್ರತಿಜ್ಞಾವಿಧಿ ಬೋಧಿಸಿದರು, ಹಾಗೆಯೇ ಕಾರ್ಯಕ್ರಮ ಕುರಿತು ಮಾತನಾಡುತ್ತ, ಇಂದಿನ ಮಕ್ಕಳೇ ನಾಳಿನ ನಾಯಕರು, ಅವರು ಬಯಸಿದ ಕನಸನ್ನು ನನಸು ಮಾಡಿಕೊಳ್ಳಲು ಹಾಗೂ ನಾಯಕತ್ವವನ್ನು ಬೆಳೆಸಿಕೊಳ್ಳಲು ಪಾಲಕರು ಅವಕಾಶ ಮಾಡಿಕೊಡಬೇಕೆಂದು ಹೇಳಿದರು.

ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಶ್ರೀ ಸಿದ್ಧೇಶ್ವರ ಸಂಸ್ಥೆ ಅಧ್ಯಕ್ಷ, ಶಾಸಕ ಬಸನಗೌಡ ಆರ್ ಪಾಟೀಲ (ಯತ್ನಾಳ್)  ಸಂಗನಬಸವ ಶಿಕ್ಷಣ ಸಂಸ್ಥೆಗಳು ಹುಟ್ಟಿ ಬೆಳೆಯಲು ಪ್ರೇರಕ ಶಕ್ತಿಯಾಗಿದ್ದ ಶ್ರೀ ಬಂಥನಾಳ ಶಿವಯೋಗಿಗಳು, ಫ.ಗು ಹಳಕಟ್ಟಿ ಅವರ ನೇತೃತ್ವ ಹಾಗೂ ಮಾರ್ಗದರ್ಶನದಲ್ಲಿ ಇಂದು ಸಂಸ್ಥೆ ೧೨೭ ವರ್ಷ ಸುದೀರ್ಘ ಅವಧಿಯನ್ನು ದಾಟಿ ಬಂದಿದೆ, ಅವರು ಶಿಕ್ಷಣ ಕ್ಷೇತ್ರದಲ್ಲಿ ಧ್ರುವತಾರೆ ಇದ್ದಂತೆ ಎಂದು ಶ್ಲಾಘಿಸಿದರು.

ಕಾಲೇಜಿನ ನಿರ್ದೇಶಕ ಪ್ರಾಂಶುಪಾಲ  ಹೇಮಂತ್ ಕೃಷ್ಣ ಇವರು ಅತಿಥಿಗಳನ್ನು ಪರಿಚಯಿಸಿದರು. ಶಾಲೆಯ ಪ್ರಾಚಾರ್ಯರಾದ ಶ್ರೀಮತಿ ಶರ್ಮಿಳಾ ಹೇಮಂತ್‌ರವರು ಸ್ವಾಗತಿಸಿದರು. ಎಲ್ಲಾ ಗೌರವಾನ್ವಿತರಿಂದ ಇ-ಬುಲೆಟಿನ್ ಬಿಡುಗಡೆ ಮಾಡಲಾಯಿತು.

ಶಾಲೆ ಮತ್ತು ಕಾಲೇಜಿನ ಅತ್ಯುನ್ನತ ಅಂಕಗಳಿಸಿದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಹಾಗೂ ಪ್ರೇರಕರಾದ ಶಿಕ್ಷಕರಿಗೂ ಗೌರವಿಸಲಾಯಿತು. ಈ ಭಾಗವನ್ನು ಶಿಕ್ಷಕಿಯಾದ ಶ್ರೀಮತಿ ಮೃಗಾಂಕ್ಷಿಕಾ ಮೋರೆ ನೆರವೇರಿಸದರೆ, ವಿದ್ಯಾರ್ಥಿಗಳ ಪಥಸಂಚಲನ ಪ್ರದರ್ಶನ ಭಾಗವನ್ನು ಶ್ರೀಮತಿ ಗೀತಾ ಸಜ್ಜನ ನಡೆಸಿಕೊಟ್ಟರು. 

ಸಮಾರಂಭದ ಅಂಗವಾಗಿ ವಿದ್ಯಾರ್ಥಿಗಳಿಂದ ಶರಣರ ಭಕ್ತಿ-ಭಾವವನ್ನೊಳಗೊಂಡ ವಿವಿಧ ಪ್ರಕಾರದ ಮನೋರಂಜನಾ ಕಾರ್ಯಕ್ರಮಗಳು ಜರಗಿದವು. ವಿದ್ಯಾರ್ಥಿಗಳಾದ ಕುಮಾರಿ ಮಹೆಕ್ ಬನ್ನಟ್ಟಿ, ಮತ್ತು ದೀಕ್ಷಾ ಕೊಂಡಗೂಳಿ ಔಪಚಾರಿಕ ಕಾರ್ಯಕ್ರಮವನ್ನು ನಿರೂಪಿಸಿದರೆ, ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಸಮೀಕ್ಷಾ ಬಿರಾದಾರ ಮತ್ತು ಅನ್ನಪೂರ್ಣಾ ಬಿರಾದಾರ ನಿರೂಪಿಸಿದರು. ಉಪನ್ಯಾಸಕರುಗಳಾದ ಆನಂದ ಜಾಡರ್ ವಂದನಾರ್ಪಣೆಗೈದರು, ದೀಪಾ ಪಿರಡ್ಡಿ ಮತ್ತು ಶಿವಾನಂದ ಸಾಲೋಟಗಿ ಅವರು ಆಡಳಿತಾತ್ಮಕ ಪ್ರಕಟಣೆಗೈದರು. ಈ ಸಮಾರಂಭದಲ್ಲಿ ಶ್ರೀ ಸಿದ್ದೇಶ್ವರ ಸಂಸ್ಥೆಯ ಎಲ್ಲಾ ಪದಾಧಿಕಾರಿಗಳು, ಸದಸ್ಯರು ಹಾಗೂ ಎಲ್ಲಾ ವಿದ್ಯಾರ್ಥಿಗಳ ಪಾಲಕರು, ಬೋಧಕ ಬೋಧಕೇತರ ಸಿಬ್ಬಂದಿಗಳು ಉಪಸ್ಥಿತರಿದ್ದರು.