ಭೀಮಾನದಿಗೆ ೨.೬೦ ಲಕ್ಷ ಕ್ಯೂಸೇಕ್ಸ್ ನೀರು

ಅಪರಾಧಕ್ಕೆ ಸವಾಲು ಕನ್ನಡ ದಿನಪತ್ರಿಕೆ 

ಆಲಮೇಲ: ಮಹಾರಾಷ್ಟçದ ಉಜನಿ, ವೀರ, ಶೀನಾ ಜಲಾಶಯಗಳಿಂದ ಮತ್ತೆ ಹೆಚ್ಚಿನ ಪ್ರಮಾಣದ ನೀರು ಭೀಮಾನದಿಗೆ ಹರಿಬಿಟ್ಟಿರುವ ಪರಿಣಾಮ ನಾಳೆ. ದಿನಾಂಕ ೨೪ ರ ಸಾಯಂಕಾಲದ ತನಕ ೨ ಲಕ್ಷ ೬೦ ಸಾವಿರ ಕ್ಯೂಸೇಕ್ಸ್ ನೀರು ಭೀಮಾನದಿಗೆ ಬರಲಿದೆ ಎಂದು ಅಫಜಲಪುರದ ಕೆಎನ್‌ಎನ್‌ಎಲ್ ಎಇಇ ಸಂತೋಷಕುಮಾರ ಸಜ್ಜನ್ ತಿಳಿಸಿದ್ದಾರೆ.        

ಅವರು ಈ ಕುರಿತು ಮಾತನಾಡಿ ಮಹಾರಾಷ್ಟ್ರದ ಶೀನಾ ನದಿಯಿಂದ ೧ ಲಕ್ಷ ೫೦ ಸಾವಿರ ಕ್ಯೂಸೇಕ್ಸ್, ಉಜನಿ ಜಲಾಶಯದಿಂದ ೫೦ ಸಾವಿರ, ಭೋರಿ ಹಳ್ಳ ಹಾಗೂ ಕರ್ನಾಟಕದ ಭೀಮಾನದಿ  ಪಾತ್ರದಲ್ಲಿ ಬಿದ್ದ ಮಳೆಯಿಂದ ೫೦ ಸಾವಿರ ಕ್ಯೂಸೇಕ್ಸ್ ನಷ್ಟು ನೀರು ಭೀಮಾ ನದಿ ಸೇರಲಿದೆ. ಎಲ್ಲಾ ಸೇರಿ ಬುಧವಾರ ದಿವಸ ಸುಮಾರು ೨ ಲಕ್ಷ ೬೦ ಸಾವಿರ ಕ್ಯೂಸೇಕ್ಸ್ ನೀರು ಒಳ ಮತ್ತು ಹೊರ ಹರಿವು ಇರಲಿದೆ.ಮಂಗಳವಾರ ಸೊನ್ನ  ಭೀಮಾ ಬ್ಯಾರೇಜ್‌ನಿಂದ ೨ ಲಕ್ಷ ೪೦ ಸಾವಿರ ಕ್ಯೂಸೇಕ್ಸ್ ನೀರನ್ನು ನದಿಗೆ ಹರಿಸಲಾಗುತ್ತಿದೆ. ನಾಳೆ ಬುಧವಾರ  ೨ ಲಕ್ಷ ೬೦ ಸಾವಿರ ಕ್ಯೂಸೇಕ್ಸ್ ನೀರು ನದಿಯಲ್ಲಿ ಹರಿಯಲಿದೆ.            

ಹೀಗಾಗಿ ನದಿ ಪಾತ್ರದ ಹಳ್ಳಿಗಳ ಜನ ಬಹಳ ಜಾಗೃತೆಯಿಂದ ಇರಬೇಕು ಎಂದು ಎಚ್ಚರಿಕೆ ನೀಡಿದ್ದಾರೆ. ತಾರಾಪೂರ, ತಾವರಖೇಡ, ಬ್ಯಾಡಗಿಹಾಳ, ದೇವಣಗಾಂವ, ಕುಮಸಗಿ, ಕಡ್ಲೇವಾಡ, ಬಗಲೂರ, ಚಿಕ್ಕ ಹಾವಳಗಿ ಗ್ರಾಮಗಳ ಹತ್ತಿರ ನೀರು ಬಂದಿದ್ದು ಜನವಸತಿ ಪ್ರದೇಶದತ್ತ ನೀರು ನುಗ್ಗುತ್ತಿದೆ.  ಶಿರಸಗಿ ದೇವರನಾವದಗಿ  ನಡುವಿನ ಬಾರಕೇಡ ಬೀಳಗಿ ರಾಜ್ಯ ಹೆದ್ದಾರಿ ಮೇಲೆ ನೀರು ನುಗ್ಗಿದ್ದು ನೀರು ನುಗ್ಗಿದ್ದು ರಸ್ತೆ ಸಂಪರ್ಕ ಕಡಿತಗೊಂಡಿದೆ.                             

ಕುಮಸಗಿ ಕಡ್ಲೇವಾಡ ನಡುವಿನ ಕುಂಬಾವತ್ತಿ ಹಳ್ಳಕ್ಕೆ ನೀರು ನುಗಿದ್ದು ರಸ್ತೆ ಸಂಪರ್ಕ ಕಡಿತಗೊಂಡಿದೆ. ದೇವಣಗಾಂವ ಆಲಮೇಲ ಮಧ್ಯದ ಅಪ್ಪಾರಹಳ್ಳಕ್ಕೆ ನದಿಯ ನೀರು ಸರಿದು ನಿಂತಿದೆ. ಪ್ರತಿನಿತ್ಯ ಸುರಿಯುತ್ತಿರುವ ಮಳೆಯಿಂದಾಗಿ ತೊಂದರೆ ಅನುಭವಿಸುತ್ತಿದ್ದ ಜನ ನದಿಗೆ ಹೆಚ್ಚು ನೀರು ಬರುವುದೆಂದು ಮತ್ತಷ್ಟು ಆತಂಕದಲ್ಲಿದ್ದಾರೆ.