ಮನೆಕಳವು ಪ್ರಕರಣ ಭೇದಿಸಿದ ಆಲಮೇಲ ಖಾಕಿ ಪಡೆ : ಇಬ್ಬರು ಆರೋಪಿಗಳ ಬಂಧನ : ೧೦.೫೨ ಲಕ್ಷ ಮೌಲ್ಯದ ಚಿನ್ನ ವಶ

ಅಪರಾಧಕ್ಕೆ ಸವಾಲು ಕನ್ನಡ ದಿನಪತ್ರಿಕೆ 

ಆಲಮೇಲ : ಕಳೆದ ಏಪ್ರಿಲ್‌ನಲ್ಲಿ ಆಲಮೇಲದಲ್ಲಿ ನಡೆದ ಮೂವರು ಮನೆಗಳ ಕಳ್ಳತನ ಪ್ರಕರಣವನ್ನು ಖಾಕಿ ಪಡೆ ಭೇದಿಸಿದ್ದು, ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ.        

ಆರೋಪಿಗಳಿ0ದ ೧೦.೫೨ ಲಕ್ಷ ಮೌಲ್ಯದ ಚಿನ್ನ, ಬೆಳ್ಳಿ ಆಭರಣಗಳು ಹಾಗೂ ದ್ವಿಚಕ್ರ ವಾಹನಗಳನ್ನು ವಶಕ್ಕೆ ಪಡೆದಿದ್ದಾರೆ.
     
೨೦೨೫ರ ಏಪ್ರಿಲ್ ೨೯ರ ರಾತ್ರಿ ೧೦ರಿಂದ ಏಪ್ರಿಲ್ ೩೦ರ ಬೆಳಿಗ್ಗೆ ೬ರೊಳಗಿನ ಅವಧಿಯಲ್ಲಿ, ಗಾಲೀಬ ಹಡಪದ ಎಂಬುವವರ ಮನೆಗೆ ಕಳ್ಳರು ನುಗ್ಗಿ ೬,೦೭,೫೦೦ ಮೌಲ್ಯದ ಚಿನ್ನ-ಬೆಳ್ಳಿ ಆಭರಣ ಹಾಗೂ ನಗದು ಕದಿದ್ದರು.         

ಇದೇ ರೀತಿ ಮಂಜುನಾಥ ಬೊಗೊಂಡಿ ಹಾಗೂ ರಾಜಕುಮಾರ ಕೊಣಶಿರಸಗಿ ಎಂಬವರ ಮನೆಗಳ ಬಾಗಿಲು ಮುರಿದು ೨,೦೫,೦೦೦ ಮತ್ತು ೨,೪೭,೦೦೦ ಮೌಲ್ಯದ ವಸ್ತುಗಳನ್ನು ಕಳ್ಳತನ ಮಾಡಿದ್ದರು. ಒಟ್ಟು ಕಳವು ಮೊತ್ತ ೧೦,೬೯,೫೦೦.            

ಈ ಕುರಿತು ಆಲಮೇಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ (ಗ್ರಂಸA ೬೩/೨೦೨೫, ಕಲಂ: ೩೩೧(೪), ೩೦೫ ಬಿಎನ್‌ಎಸ್-೨೦೨೩) ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿತ್ತು.            

ಖಾಕಿ ಪಡೆಯ ತಂಡವು ಶೋಧ ಕಾರ್ಯಾಚರಣೆ ನಡೆಸಿ, ಚಿಕ್ಕರೂಗಿ ಗ್ರಾಮದ ಶರಣಬಸು ಮಾಹಾದೇವ ಜಾಲವಾದ (೩೧) ಮತ್ತು ಪ್ರಕಾಶ ನಿಂಗಪ್ಪ ಕಂಬಾರ (೨೧) ಎಂಬವರನ್ನು ಬಂಧಿಸಿದೆ.        

ಇವರಿ0ದ ೮೬ ಗ್ರಾಂ ಚಿನ್ನದ ಆಭರಣ (೮,೬೦,೦೦೦), ೬೭ ಗ್ರಾಂ ಬೆಳ್ಳಿ ಆಭರಣ (೬೭,೦೦೦), ಹಾಗೂ ೫ ಮೋಟಾರ್ ಸೈಕಲ್‌ಗಳು (೧,೨೫,೦೦೦) ವಶಕ್ಕೆ ಪಡೆದಿದ್ದಾರೆ. 

ಆಲಮೇಲ ಪೊಲೀಸ್ ಪಡೆಯ ಕಾರ್ಯ ಶ್ಲಾಘಿಸಿದ ಎಸ್ಪಿ ನಿಂಬರಗಿ 
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷ್ಮಣ ಬಿ ನಿಂಬರಗಿ, ಐಪಿಎಸ್, ಹೆಚ್ಚುವರಿ ಎಸ್‌ಪಿ ರಾಮನಗೌಡ ಹಟ್ಟಿ, ಡಿಎಸ್‌ಪಿ ಜಗದೀಶ ಎಚ್.ಎಸ್, ಹಾಗೂ ಸಿಪಿಐ ನಾನಾಗೌಡ ಪಾಟೀಲ ಅವರ ಮಾರ್ಗದರ್ಶನದಲ್ಲಿ, ಪಿಎಸ್‌ಐ ಅರವಿಂದ ಅಂಗಡಿ, ಪಡಶೆಟ್ಟಿ ಹಾಗೂ ಸಿಬ್ಬಂದಿ ಸೇರಿ ರಚಿಸಲಾದ ತಂಡ ಈ ಯಶಸ್ಸು ಸಾಧಿಸಿದೆ. ಪ್ರಕರಣ ಪತ್ತೆ ಹಚ್ಚಿದ ತಂತ್ರಜ್ಞಾನದ ಆಧಾರಿತ ಕಾರ್ಯಚಟುವಟಿಕೆ ಹಾಗೂ ಸಿಬ್ಬಂದಿಯ ಪರಿಶ್ರಮಕ್ಕೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷ್ಮಣ ಬಿ ನಿಂಬರಗಿ ಶ್ಲಾಘಿಸಿದ್ದಾರೆ.