ತಾಲೂಕು ಹಂತದ ಪ್ರಥಮ ಭಾಷ ಕನ್ನಡ ವಿಷಯ ಕಾರ್ಯಾಗಾರ
ಸಿಂದಗಿ: ಕನ್ನಡ ಭಾಷಾ ಶಿಕ್ಷಕರಿಗೆ ಶೈಕ್ಷಣಿಕ ಕಾರ್ಯಾಗಾರ ಪ್ರಸಕ್ತ ವರ್ಷ ಎಸ್ಸೆಸ್ಸೆಲ್ಸಿಯಲ್ಲಿ ಜಿಲ್ಲೆಯ ಫಲಿತಾಂಶವು ರಾಜ್ಯಮಟ್ಟದಲ್ಲಿ ಮೊದಲೈದು ಸ್ಥಾನದಲ್ಲಿ ಬರುವಂತೆ ಮಾಡುವ ಕನಸಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಂದು ವಿಷಯದ ಶಿಕ್ಷಕರು ಶ್ರಮವಹಿಸಬೇಕೆಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಮಹಾಂತೇಶ ಯಡ್ರಾಮಿ ಹೇಳಿದರು.
ತಾಲೂಕಿನ ಗಬಸವಾಳಗಿ ಗ್ರಾಮದ ಸರಕಾರಿ ಪ್ರೌಢ ಶಾಲೆಯ ಆವರಣದಲ್ಲಿ ವಿಜಯಪುರ ಜಿಲ್ಲಾ ಪಂಚಾಯತ ಶಾಲಾ ಶಿಕ್ಷಣ ಇಲಾಖೆ ತಾಲೂಕು ಕ್ಷೇತ್ರ ಶಿಕ್ಷಣಾಧಿಕಾರಿಗಳು ಹಾಗೂ ಸಮನ್ವಯಾಧಿಕಾರಿಗಳು ಕಾರ್ಯಾಲಯದ ಪರವಾಗಿ ತಾಲೂಕು ಹಂತದ ಪ್ರಥಮ ಭಾಷೆ ಕನ್ನಡ ವಿಷಯ ಕಾರ್ಯಾಗಾರ ಹಾಗೂ ಕನ್ನಡ ಭಾಷಾ ಪ್ರಯೋಗಾಲಯ " ನುಡಿ ಚೆಂದನ" ಕಾರ್ಯಕ್ರಮ ಅವರು ಉದ್ಘಾಟಿಸಿ ಮಾತನಾಡಿ ಪ್ರಸಕ್ತ ವರ್ಷ ಎಸ್ಸೆಸ್ಸೆಲ್ಸಿಯಲ್ಲಿ ಜಿಲ್ಲೆಯ ಫಲಿತಾಂಶವು ರಾಜ್ಯಮಟ್ಟದಲ್ಲಿ ಮೊದಲೈದು ಸ್ಥಾನದಲ್ಲಿ ಬರುವಂತೆ ಮಾಡುವ ಕನಸಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಂದು ವಿಷಯದ ಶಿಕ್ಷಕರು ಶ್ರಮವಹಿಸಬೇಕೆಂದು ಎಂದರು.
ಅಕ್ಷರ ದಾಸೋಹ ಅಧಿಕಾರಿ ಅರವಿಂದ್ರ ಡೊಣೂರ ಮಾತನಾಡಿ ವಿದ್ಯಾರ್ಥಿಗಳಿಗೆ ಗುಣಮಟ್ಟದ ಶಿಕ್ಷಣ ನೀಡಬೇಕು ಎಂದರು.
ಪ್ರೌಢ ಶಾಲಾ ಸಂಘದ ಅಧ್ಯಕ್ಷ ಆರ್ ಎಚ್ ಬಿರಾದಾರ ಮಾತನಾಡಿ ಎಲ್ಲಾ ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗುವಂತೆ ಶಿಕ್ಷಕರು ಹಾಗೂ ಪಾಲಕರು ಕರ್ತವ್ಯ ದೊಡ್ಡದು ಎಂದರು. ಮುಖ್ಯಗುರು ಮಾತ್ಯ ಎಸ್ ಎಸ್ ನಾಯಿಕ ಮಾತನಾಡಿ ಎಲ್ಲಾ ವಿದ್ಯಾರ್ಥಿಗಳು ಪಾಸಾಗುವಂತೆ ನೋಡಿಕೊಳ್ಳುವ ಜವಾಬ್ದಾರಿ ಪ್ರತಿಯೊಬ್ಬ ಶಿಕ್ಷಕರ ಮೇಲಿದೆ ಎಂದರು.
ಕನ್ನಡ ವಿಷಯ ವೇದಿಕೆ ಅಧ್ಯಕ್ಷ ಜೇರಟಗಿ ಶಾಲೆಯ ಸಿಬ್ಬಂದಿಗಳಾದ ಎಸ್ ಎಂ ಪಾಟೀಲ. ಎ.ಎಫ್. ಹೊನ್ನುಟಗಿ, ಆಯ್ ಎ ಮಕಂದರ .ಎಸ್ ಎಸ್ ರಾಠೋಡ , ಶ್ರೀಮತಿ ವಾಘಮಾರೆ ಮೇಡಂ, ಎಸ್ ಆರ್ ಹಚ್ಚಡದ ಸರ್, ಎಸ್ ವ್ಹಿ ಪಟ್ಟಣಶೆಟ್ಟಿ ಸರ್, ಉಪಸ್ಥಿತರಿದ್ದರು.
ಜಿಲ್ಲಾ ಸಂಪನ್ಮೂಲ ವ್ಯಕ್ತಿ ಸಾಹಿತಿ ಶಿಕ್ಷಕ ಶರಣಪ್ಪ ಶಿರೂರ ಹಾಗೂ ಜಿಲ್ಲಾ ಕನ್ನಡ ವಿಷಯ ಪರಿವಿಕ್ಷಕ ಶಿವಾನಂದ ಬ್ಯಾಹಟ್ಟಿ ಸಂಪನ್ಮೂಲ ವ್ಯಕ್ತಿಯಾಗಿ ಕಾರ್ಯನಿರ್ವಹಿಸಿದರು.
ಶಿಕ್ಷಕ ಆರ್ ಆರ್ ಪೆಟ್ಲೂರ ಸ್ವಾಗತಿಸಿದರು.ಶಿಕ್ಷಕ ರಂಗನಾಥ ಪರೀಟ ನಿರೂಪಿಸಿದರು. ಶಿಕ್ಷಕ ನಾಟಿಕಾರ ವಂದಿಸಿದರು.
